Saç Əkimi (FUE): Kimlərə Uyğundur və Necə Aparılır

Saç əkimindən əvvəl saç tökülməsinin səbəbi mütləq aydınlaşdırılmalıdır. Ocaqlı saç tökülməsində, aktiv baş dərisi xəstəliyində və ya müalicə olunmamış hormonal problemdə əkilən saçlar da itə bilər. Saç tökülməsi hələ erkən mərhələdədirsə, çox vaxt əvvəlcə dərman müalicəsi və PRP tövsiyə olunur.

Kimlər üçün uyğundur?

• irsi (androgenetik) saç tökülməsi sabitləşmiş kişi və qadınlar;
• donor nahiyəsində kifayət qədər sıx saçı olanlar;
• qaş, saqqal və bığda seyrəklik olanlar;
• yanıq və ya travmadan sonra saçsız qalmış nahiyələr (müayinədən sonra).

FUE üsulu necə aparılır?

Donor nahiyədə saç kökləri xüsusi alətlə bir-bir götürülür və köçürüləcək nahiyədə açılan kiçik kanallara yerləşdirilir. Əməliyyat lokal anesteziya altında aparılır və köçürülən saçların sayından asılı olaraq bir neçə saat çəkir. Donor nahiyədə xətti çapıq qalmır, nöqtəvi izlər isə saçla örtülür.

Nəticə nə vaxt görünür?

Köçürülmüş saçların böyük hissəsi ilk həftələrdə tökülür. Bu, normaldır, çünki saç kökü yerində qalır. Yeni saçlar təxminən 3-4 aydan sonra çıxmağa başlayır, son nəticə isə adətən bir ilə formalaşır. Əkilmiş saçlar irsi tökülməyə davamlıdır, amma ətrafdakı öz saçlarınız tökülməyə davam edə bilər. Ona görə əməliyyatdan sonra da dərman müalicəsi tövsiyə oluna bilər.

Müayinədə nə qiymətləndirilir?

• saç tökülməsinin növü və mərhələsi;
• donor nahiyənin sıxlığı;
• baş dərisinin vəziyyəti (trixoskopiya);
• gözləntiləriniz və alternativ müalicə imkanları.

Həkim haqqında

Dr. Mehdi Mahmudi 24 ildən artıq təcrübəyə malik dermatoloq-kosmetoloqdur, saç və baş dərisi xəstəlikləri ilə məşğul olur. Bakıda, Salutem Dermatoloji Klinikasında qəbul edir. Ətraflı: Haqqımda.

Əlaqəli səhifələr

• Saç tökülməsi müalicəsi
• PRP saç müalicəsi
• Saç üçün mezoterapiya