Lazer Prosedurları

Lazer prosedurları

• Papilloma və xal götürülməsi: CO2 lazerlə kiçik xoşxassəli törəmələrin tikişsiz götürülməsi.
• Çapıq və iz müalicəsi: fraksional CO2 lazerlə akne çapıqları, gərilmə izləri, yanıq və travma izlərinin müalicəsi.
• Çil və ləkə müalicəsi: çil, günəş ləkələri, melazma və sızanaqdan qalan ləkələr.
• Kapilyar və damar müalicəsi: üzdə və ayaqlarda görünən kiçik damarcıqlar, rozasea qızartısı.
• Tatuajın silinməsi: lazerlə tatuaj piqmentinin parçalanması.

Lazer necə təsir edir?

Hər lazer müəyyən hədəfə təsir edir: biri toxumadakı suya, biri piqmentə, biri isə qandakı hemoqlobinə. Ona görə çil üçün istifadə olunan lazer damar üçün, damar üçün olan isə papilloma üçün uyğun deyil. Həkim problemin növünə, dəri tipinə və mövsümə görə lazeri və onun parametrlərini seçir.

Prosedurdan əvvəl

• dermatoloji müayinə: problemin növü dəqiqləşdirilir, şübhəli törəmələr lazerə göndərilmir;
• prosedurdan əvvəlki 2-4 həftə günəşdə qaralmaq, solyariyə getmək olmaz;
• həkim tövsiyə edibsə, retinol və aktiv turşulu kosmetika dayandırılır;
• istifadə etdiyiniz dərmanlar barədə həkimə məlumat verin.

Prosedurdan sonra

• bir neçə saat və ya gün qızartı, şişkinlik, xırda qabıqlar ola bilər;
• qabıqları qoparmayın;
• ən azı 2-4 həftə, bəzi prosedurlardan sonra daha uzun müddət, hər gün yüksək faktorlu günəş kremi çəkin;
• həkimin verdiyi qulluq qaydalarına əməl edin.

Seansların sayı problemdən asılıdır. Papilloma və xal adətən bir seansda götürülür, çapıq, ləkə və damar müalicəsi isə bir neçə seans tələb edir. Lazer prosedurları üçün payız və qış ayları daha əlverişlidir, çünki günəşin təsiri azdır.

Qiymət

Qiymət prosedurun növündən, sahəsindən və seans sayından asılıdır. Dəqiq qiymət müayinədən sonra deyilir. Məlumat üçün +994 50 519 42 19.

Dr. Mehdi Mahmudi

Dr. Mehdi Mahmudi 24 ildən artıq təcrübəyə malik dermatoloq-kosmetoloqdur. Lazer dermatologiyası onun əsas ixtisas sahələrindəndir. Ətraflı: Haqqımda.