Dəri Cavanlaşdırma və Antiaging Prosedurları

Dərinin yaşlanmasına yaş, günəş, siqaret, stress və irsiyyət təsir edir. Mimik qırışlar, həcm itkisi, dərinin sallanması və ləkələr fərqli üsullarla düzəldilir. Ona görə prosedur seçimi müayinə ilə başlayır.

Prosedurlar

• Botoks: alın, qaşarası və göz ətrafındakı mimik qırışların azaldılması.
• Dolğu (filler): hialuron turşusu ilə dodaq, yanaq, çənə və nazolabial qırışların korreksiyası.
• Mezoterapiya: vitamin və qidalandırıcı preparatlarla dərinin qidalandırılması.
• Biorevitalizasiya: hialuron turşusu ilə dərinin dərindən nəmləndirilməsi.
• Pilinq: kimyəvi pilinqlə dərinin yenilənməsi, ləkə və nahamarlıqların azaldılması.
• Mezosaplar: dərinin sıxlığını və elastikliyini artırmaq üçün nazik saplar.
• Lifting sapları: sallanmış toxumaların cərrahiyyəsiz qaldırılması.
• Face modeling: üz konturunun dolğu və digər üsullarla formalaşdırılması.

Lazerlə dərinin yenilənməsi barədə: fraksional lazer, ləkələr üçün: ləkə müalicəsi.

Prosedur necə seçilir?

Müayinədə həkim dərinin vəziyyətini, qırışların növünü, həcm itkisini, dərinin elastikliyini və sizin gözləntilərinizi qiymətləndirir. Bəzən bir prosedur kifayət edir, bəzən isə bir neçə üsulun birlikdə tətbiqi daha yaxşı nəticə verir. Plan prosedurların ardıcıllığını və aralarındakı fasiləni də nəzərə alır.

Kimlərə tətbiq olunmur?

Hamiləlik və əmizdirmə dövründə, prosedur sahəsində aktiv infeksiya və ya iltihab olduqda, bəzi autoimmun və qan xəstəliklərində estetik inyeksiyalar aparılmır və ya təxirə salınır. Qəbul etdiyiniz dərmanlar və keçirdiyiniz prosedurlar barədə həkimə məlumat verin.

Qiymət

Qiymət prosedurun növündən, istifadə olunan preparatın miqdarından və seans sayından asılıdır. Dəqiq qiymət müayinədən sonra deyilir. Məlumat üçün +994 50 519 42 19.

Dr. Mehdi Mahmudi

Dr. Mehdi Mahmudi 24 ildən artıq təcrübəyə malik dermatoloq-kosmetoloqdur və Bakıda, Salutem Dermatoloji Klinikasında qəbul edir. Estetik prosedurlarda təbii nəticəni əsas tutur. Ətraflı: Haqqımda.