Çapıq Korreksiyası: Akne, Travma və Əməliyyat İzləri

Hər çapıq fərqli müalicə tələb edir. Bir çapıq növünə kömək edən üsul başqa növü ağırlaşdıra bilər. Məsələn, keloid çapığa yanlış seçilmiş müdaxilə onun daha da böyüməsinə səbəb ola bilər. Ona görə müalicə çapığın növünün dəqiq müəyyən edilməsi ilə başlayır. Lazerlə çapıq müalicəsi barədə ayrıca səhifəmiz var: çapıq və iz müalicəsi.

Çapıq növləri

• Çuxur şəkilli (atrofik) akne çapıqları: dəri səviyyəsindən aşağıda qalan izlər. Dalğavari, qutuşəkilli və dar-dərin növləri var.
• Qabarıq (hipertrofik) çapıqlar: yara sərhədindən kənara çıxmayan, qırmızı, qalın çapıqlar.
• Keloid: yaranın sərhədindən kənara böyüyən, qaşınan, bəzən ağrıyan çapıq. Daha çox sinə, çiyin, kürək və qulaq nahiyəsində yaranır. Ətraflı: keloid çapıq nədir?
• Travma və əməliyyat izləri: enli, nahamar və ya dəri xətləri ilə uyğun gəlməyən izlər.

Korreksiya üsulları

Subsiziya

Dalğavari akne çapıqlarında çapığı aşağı çəkən lifli bağlar xüsusi iynə ilə dərinin altından kəsilir. Çapıq yuxarı qalxır və səth hamarlaşır.

Çapığın kəsilib yenidən tikilməsi

Dar və dərin akne çapıqlarında, eləcə də enli travma izlərində çapıq kəsilib götürülür və yara estetik tikişlə bağlanır. Nəticədə daha nazik və az nəzərəçarpan xətt qalır.

Çapığa inyeksiyalar

Qabarıq və keloid çapıqlarda çapığın içinə iltihabəleyhinə preparat yeridilir. Bu, çapığı yumşaldır, yastılaşdırır, qaşınmanı azaldır. Adətən bir neçə seans aparılır.

Mikroiynə və lazer

Dərinin səthini yeniləmək və yeni kollagen istehsalını artırmaq üçün tətbiq olunur. Çox vaxt yuxarıdakı üsullarla birlikdə istifadə edilir.

Dolğu (filler)

Bəzi çuxur şəkilli çapıqlarda çapığın altını doldurmaq üçün müvəqqəti nəticə verən üsuldur.

Real gözləntilər

Çapığı tamamilə yox etmək mümkün deyil. Korreksiyadan sonra çapıq daha dayaz, nazik və ətraf dəri ilə daha uyğun görünür. Nəticə tədricən formalaşır və adətən bir neçə ay ərzində yaxşılaşmağa davam edir. Keloidə meyilli insanlarda çapıq təkrar böyüyə bilər, ona görə onlarda müalicədən sonra da nəzarət lazımdır.

Nə vaxt müraciət etmək lazımdır?

• aktiv akne keçib, amma çapıqlar qalıb;
• çapıq qaşınır, ağrıyır və ya böyüyür (keloid ola bilər);
• köhnə əməliyyat və ya travma izi görünüşə narahatlıq verir;
• çapıq hərəkəti məhdudlaşdırır.

Aktiv akne varsa, əvvəlcə sızanaq müalicəsi aparılır.

Prosedurdan sonra

• sahəni təmiz saxlayın, həkimin təyin etdiyi qulluq vasitələrindən istifadə edin;
• tikiş varsa, götürülənə qədər sahəni gərginləşdirməyin;
• bir neçə ay hər gün günəş kremi çəkin, çünki günəş yeni çapığı tündləşdirir.

Qiymət

Qiymət çapığın növündən, sahəsindən, seçilən üsuldan və seans sayından asılıdır. Dəqiq qiymət müayinədən sonra deyilir. Məlumat üçün +994 50 519 42 19.

Dr. Mehdi Mahmudi

Dr. Mehdi Mahmudi 24 ildən artıq təcrübəyə malik dermatoloq-kosmetoloqdur, dəri cərrahiyyəsi üzrə də ixtisaslaşıb və akne çapıqlarının lazer müalicəsi mövzusunda tədqiqat aparıb. Bakıda, Salutem Dermatoloji Klinikasında qəbul edir. Ətraflı: Haqqımda.

Əlaqəli səhifələr

• Çapıq və iz müalicəsi (fraksional CO2 lazer)
• Çapıq nədir?
• Dəri cərrahiyyəsi