Dəri Cərrahiyyəsi: Xal, Kista və Törəmələrin Götürülməsi

Dəridəki törəməni götürməzdən əvvəl onun nə olduğunu bilmək lazımdır. Ona görə hər prosedur dermatoloji müayinə və dermatoskopiya ilə başlayır. Bundan sonra üsul seçilir: klassik cərrahi götürmə, CO2 lazer və ya radiodalğa. Seçim törəmənin növündən, ölçüsündən, yerindən və histoloji analizə ehtiyac olub-olmamasından asılıdır.

Xidmətlər

• Xal götürülməsi: dermatoskopik müayinə, şübhəli xalların cərrahi götürülməsi və histoloji analizi, xoşxassəli xallar üçün lazer.
• Kista götürülməsi: epidermoid kista, ateroma və lipomanın kapsulu ilə birlikdə götürülməsi.
• Çapıq korreksiyası: akne, travma və əməliyyat çapıqlarının cərrahi və inyeksiya üsulları ilə düzəldilməsi.
• Dırnaq cərrahiyyəsi: batmış dırnağın müalicəsi, dırnağın kənarının götürülməsi və matriksektomiya.
• CO2 lazer cərrahiyyəsi: kiçik xoşxassəli törəmələrin tikişsiz, minimal izlə götürülməsi.

Hansı hallarda müraciət etmək lazımdır?

• xal böyüyür, rəngi və ya forması dəyişir, qanayır və ya qaşınır;
• dərinin altında böyüyən, ağrıyan və ya iltihablanan şişkinlik var;
• törəmə paltara, kəmərə və ya boyunbağıya ilişib zədələnir;
• törəmə kosmetik narahatlıq yaradır;
• dırnaq dəriyə batıb, ağrı və iltihab var;
• çapıq görünüşə və ya hərəkətə mane olur.

Üsullar

Klassik cərrahi götürmə

Törəmə sağlam toxuma sərhədi ilə kəsilib götürülür, yara estetik tikişlə bağlanır. Şübhəli törəmələr, kistlər və böyük törəmələr üçün əsas üsuldur. Götürülən toxuma histoloji analizə göndərilə bilir.

CO2 lazer

Xoşxassəli olduğu təsdiqlənən kiçik törəmələr üçün. Tikiş qoyulmur, qanaxma olmur, sağalma adətən 5-10 gün çəkir. Lazerlə götürülən toxuma analizə göndərilə bilmədiyi üçün şübhəli törəmələrdə istifadə olunmur.

Radiodalğa üsulu

Asılı və kiçik qabarıq törəmələr üçün yüksək tezlikli radiodalğa ilə aparılan kəsik. Qanaxma az olur.

Prosedur necə keçir?

Müayinədən sonra sahə antiseptiklə təmizlənir və lokal anesteziya edilir, bundan sonra prosedur zamanı ağrı minimal olur. Prosedur törəmənin növündən asılı olaraq 15-60 dəqiqə çəkir. Sahə steril sarğı ilə bağlanır, evdə qulluq qaydaları izah olunur. Tikişlər yerləşmə yerindən asılı olaraq 7-14 gündən sonra götürülür. Histoloji analizin nəticəsi adətən bir-iki həftəyə hazır olur.

Qiymət

Qiymət prosedurun növündən, törəmənin ölçüsündən, sayından və histoloji analiz ehtiyacından asılıdır. Dəqiq qiymət müayinədən sonra deyilir. Məlumat üçün +994 50 519 42 19.

Dr. Mehdi Mahmudi

Dr. Mehdi Mahmudi 24 ildən artıq təcrübəyə malik dermatoloq-kosmetoloqdur. Dermatologiya ixtisasından sonra cərrahiyyə üzrə əlavə təhsil alıb. Bakıda, Salutem Dermatoloji Klinikasında qəbul edir. Ətraflı: Haqqımda.