Dəri Xəstəliklərinin Müayinə və Müalicəsi

Bir çox dəri xəstəliyi bir-birinə bənzəyir. Məsələn, rozasea sızanağa, göbələk infeksiyası ekzemaya, ekzema isə allergiyaya oxşaya bilər. Diaqnoz düzgün qoyulmadıqda internetdən və ya aptekdən seçilən kremlər problemi uzadır, bəzən isə ağırlaşdırır. Xüsusən hormonlu kremlərin özbaşına istifadəsi bir çox xəstəliyin gedişini pisləşdirir.

Müalicə olunan xəstəliklər

• Sızanaq (akne): yeniyetmə və yetkin yaşda sızanaqlar, çapıqların qarşısının alınması.
• Rozasea: üzdə davamlı qızartı, damarcıqlar və səpgilər.
• Dəri səpgiləri: allergik, infeksion və digər səbəbli səpgilərin diaqnostikası.
• Dəridə qızartılar: ekzema, dermatit və digər qızartı ilə gedən xəstəliklər.
• Demodekoz: dəri gənəsi ilə əlaqəli qızartı və səpgilər.
• Ekzema və atopik dermatit: quruluq, qaşınma və qızartı ilə gedən xroniki xəstəlik. Ətraflı: ekzema nədir?
• Seboreik dermatit: üzdə və baş dərisində qabıqlanma və qızartı. Ətraflı: seboreik dermatit.
• Göbələk xəstəlikləri: dəri, ayaq və dırnaq göbələyi. Ətraflı: göbələk xəstəliyi.
• Ziyillər: ətraflı: ziyil müalicəsi.
• Saç və dırnaq xəstəlikləri: saç tökülməsi, batmış dırnaq.

Müayinə necə aparılır?

Həkim şikayətləri dinləyir, xəstəliyin nə vaxt başladığını, nə ilə artdığını və əvvəl hansı müalicələrin istifadə olunduğunu öyrənir, dərini müayinə edir. Lazım olduqda dermatoskopiya, Vud lampası ilə müayinə, göbələk və ya gənə üçün qaşıntı, qan analizləri və allergiya testləri təyin olunur. Bu məlumatlar əsasında diaqnoz qoyulur və müalicə planı hazırlanır.

Müalicə yanaşması

Müalicə xəstəliyin səbəbinə və ağırlığına görə seçilir. Plana yerli müalicə (krem, məlhəm, losyon), daxili dərmanlar, dermatoloji prosedurlar və düzgün dəri baxımı daxil ola bilər. Xroniki xəstəliklərdə, məsələn ekzema, rozasea və psoriazda, məqsəd uzunmüddətli nəzarət və alovlanmaların seyrəkləşdirilməsidir.

Nə vaxt dermatoloqa müraciət etmək lazımdır?

• səpgi, qızartı və ya qaşınma bir-iki həftədən çox davam edir;
• aptek vasitələri kömək etmir və ya vəziyyəti ağırlaşdırır;
• səpgi tez yayılır, ağrılıdır, qabarcıqlar əmələ gəlir;
• səpgi ilə birlikdə hərarət, halsızlıq var. Belə hallarda təcili müraciət lazımdır;
• xalda, dırnaqda və ya saçda dəyişiklik var.

Dermatoloqun hansı xəstəliklərə baxdığı barədə ətraflı: Dermatoloq kimdir?

Qiymət

Qiymət müayinədən, lazım olan analizlərdən və müalicə planından asılıdır. Məlumat üçün +994 50 519 42 19.

Dr. Mehdi Mahmudi

Dr. Mehdi Mahmudi 24 ildən artıq təcrübəyə malik dermatoloq-kosmetoloqdur, uşaq və böyükləri qəbul edir. Bakıda, Salutem Dermatoloji Klinikasında qəbul edir. Ətraflı: Haqqımda.