Rozasea Müalicəsi Bakıda

Rozasea çox vaxt allergiya, sızanaq və ya "həssas dəri" ilə qarışdırılır və illərlə yanlış kremlərlə müalicə olunur. Hormonlu kremlər qızartını qısa müddətə azalda bilər, amma sonra vəziyyəti ağırlaşdırır. Rozaseanın səbəbləri və əlamətləri barədə "Rozasea nədir?" məqaləsində ətraflı yazmışıq. Bu səhifə isə müalicənin necə aparıldığından bəhs edir.

Rozaseanın əlamətləri

Aşağıdakılardan biri varsa, dermatoloq müayinəsi tövsiyə olunur:

• üzdə qızartı bir-iki aydan çoxdur keçmir;
• isti, stress, günəş, isti içki və ya ədviyyatlı yeməkdən sonra üz tez qızarır;
• yanaqlarda və burun ətrafında damarcıqlar görünür;
• dəridə yanma, sancma və həssaslıq hissi var;
• sızanağa bənzər səpgilər çıxır, amma adi sızanaq müalicəsi kömək etmir;
• kosmetika dərini tez qıcıqlandırır;
• gözlərdə quruluq, qızartı və qum hissi var.

Müayinə necə aparılır?

İlk qəbulda həkim qızartının yerini, nə qədər davam etdiyini və şiddətini, damarcıqların vəziyyətini, səpgilərin olub-olmadığını və dərinin həssaslığını qiymətləndirir. Rozasea akne, seboreik dermatit və allergik reaksiyalardan ayırd edilir. Gözlərdə əlamət varsa, göz həkiminə də müraciət tövsiyə olunur.

Müayinə nəticəsində rozaseanın forması müəyyən edilir. Əsasən qızartı və damarlarla gedən forma, sızanağa bənzər səpgilərlə gedən forma, burun dərisinin qalınlaşması ilə gedən forma və göz forması fərqli müalicə tələb edir.

Müalicə üsulları

Məqsəd qızartını qısa müddətə azaltmaq deyil, xəstəliyin aktivliyini nəzarət altına almaq, alovlanmaları seyrəltmək və dəri baryerini bərpa etməkdir.

Yerli müalicə

İltihabı və sızanağa bənzər səpgiləri azaldan, rozasea üçün xüsusi seçilmiş kremlər. Dəri baryerini zədələməyən preparatlar seçilir.

Daxili müalicə

Səpgilərin çox olduğu orta və ağır hallarda həkim təyinatı ilə tətbiq olunur.

Lazer müalicəsi

Davamlı qızartı və görünən damarcıqlar kremlə keçmir. Bunlar üçün damarlara təsir edən lazer tətbiq olunur. Seansların sayı damarların miqdarından və dərinliyindən asılıdır və müayinədə müəyyən edilir. Lazer haqqında ətraflı kapilyar və damar müalicəsi səhifəsində.

Dəri baxımı və tetikləyicilərdən qorunma

Yumşaq təmizləyici, nəmləndirici və hər gün günəşdən qoruyucu krem müalicənin ayrılmaz hissəsidir. Hansı kremlərin uyğun olduğu barədə bu məqalədə yazmışıq. Həkim sizin üçün qızartını artıran amilləri müəyyən edib onlardan necə qorunmağı izah edir.

Müalicədən nə gözləmək olar?

Rozasea xroniki xəstəlikdir, ona görə məqsəd "həmişəlik yox etmək" deyil, sabit nəzarətdir. Düzgün müalicə ilə:

• qızartı azalır və dəri daha sakit görünür;
• yanma və sancma hissi zəifləyir;
• alovlanmalar seyrəkləşir;
• dəri xarici təsirlərə qarşı daha davamlı olur.

Nəticə xəstəliyin formasından və tövsiyələrə nə qədər əməl olunduğundan asılıdır. Müalicədən sonra da dəri baxımı və vaxtaşırı nəzarət davam etdirilməlidir.

Qiymət

Qiymət rozaseanın formasından və müalicə planından asılıdır: yalnız dərman müalicəsi, yoxsa lazer seansları da lazımdır. Dəqiq qiymət müayinədən sonra müəyyən edilir. Məlumat üçün +994 50 519 42 19.

Dr. Mehdi Mahmudi

Dr. Mehdi Mahmudi 24 ildən artıq təcrübəyə malik dermatoloq-kosmetoloqdur və Bakıda, Salutem Dermatoloji Klinikasında qəbul edir. Rozaseanın müalicəsində həm dərman müalicəsini, həm də lazer üsullarını tətbiq edir. Həkim haqqında ətraflı Haqqımda səhifəsində.

Əlaqəli səhifələr

• Rozasea nədir, necə tanınır?
• Niyə üzdə kapilyarlar əmələ gəlir?
• Sızanaq müalicəsi